كيف أسامح نفسي وأتخطى المواقف بسرعة؟

تدري وش أصعب أنواع التعب؟ لما تكون أنت خصم نفسك تلومها وتحاسبها وتعيش الموقف مية مرة بعقلك كأنك تقدر تغير اللي صار لكن فكر شوي هل اللوم بيغير شيء؟ أكيد لا هو بس يسرق منك صفاء بالك ويضعف تركيزك السر إنك ترتب أفكارك بسرعة قبل ما تغرق في التفكير الضبابي وتمر بالموقف خطوة بخطوة:

1- استرجع الموقف كامل ويفضّل تكتبه 2- راجع الأحداث وحدد بوضوح من الغلطان؟ 3- لو اكتشفت إن الخطأ من الطرف الآخر اسأل نفسك: ليه ألوم نفسي؟ غالبًا لأنك تبرر لهم وتتحمل أكثر مما تستحق 4- قرر التوقف عن التبرير، وخلي كل شخص يتحمل مسؤوليته وقتها بتحس براحة والحمل اللي على صدرك بدأ يخف وهذي أول علامة إنك سامحت نفسك فعلاً

بهذي اللحظة بتحس إن ذهنك بدأ يصفى وتركيزك يرجع وتذكر دايم ما في أحد يستحق إنك تجلد نفسك بسبب، سامحها مو لأنها ما أخطأت لكن لأنها تستحق ترتاح وتستمتع بالحياة